Fasteignasala Sauðárkróks býður til sölu íbúð í fjölbýlishúsinu við Víðigrund 8, Sauðárkróki ásamt tilheyrandi hlutdeild í sameign og lóðarréttindum.
Fjögurra herbergja íbúð á efstu hæð til vinstri ásamt sérgeymslu á jarðhæð.
Húsið var steypt árið 1972. Birt stærð séreignarinnar er 103 fm.

Góð staðsetning. Stutt í ýmsa þjónustu s.s. í skóla og leikskóla, íþróttasvæði, íþróttahús, sundlaug, verslun o.fl.

Búið er að klæða norðurstafn hússins.
Skipt hefur verið um gler á vestuhlið íbúðarinnar og sett sólarvarnargler.
Svalir snúa til vesturs með útsýni yfir íþróttasvæði Sauðárkróks.
Stigagangur er snyrtilegur og var tekinn í gegn árið 2019, þá var stigi teppalagður og hann málaður. 

Íbúðin skiptist í þrjú herbergi, stofu, eldhús, baðherbergi og þvottahús.
Forstofa er flísalögð. Nýleg eldvarnarhurð er á milli íbúðar og stigagangs.
Stofa parketlögð og opin. Svalahurð frá stofu á vestursvalir.
Eldhús er dúklagt, hvít filmuð innrétting með grárri borðplötu. 
Inn af eldhúsi er dúklagt þvottahús.
Baðherbergi er dúklagt, hvít innrétting. Flísar við baðkar. 
Herbergi eru öll parketlögð. Skápar eru í tveimur herbergjum og fylgja.

Nánari upplýsingar og söluyfirlit hjá Fasteignasölu Sauðárkróks í síma 453 5900 eða á netfangið fasteignir@krokurinn.is
Sunna Björk Atladóttir lögmaður og löggiltur fasteignasali