Fasteignasala Sauðárkróks býður til sölu fasteignina Skagfirðingabraut 10, Sauðárkróki ásamt tilheyrandi leigulóðarréttindum. 
Vel skipulagt og mikið endurnýjað, þriggja til fjögurra herbergja einbýlishús á tveimur hæðum ásamt risi og geymsluskúr, alls 143 fm.
Íbúðarhúsið er alls 111,1 fm. og geymsluskúr er 31,9 fm.
Leigulóð hússins er alls 460 fm.
Eignin er vel staðsett. Snyrtileg eign í góðu ástandi sem hefur verið vel við haldið.

Íbúðarhúsið skiptist í þrjú herbergi, stofu, eldhús, tvö baðherbergi og ris.
Inngangur frá Skagfirðingabraut um tröppur á miðhæð, þar sem komið er í parketlagða forstofu.
Á hæðinni eru eldhús, stofa og baðherbergi. Gólf er parketlagt.
Í eldhúsi er máluð innrétting, Whirlpool helluborð og AEG bakaraofn. 
Á baðherbergi er vínilparket á gólfi, hvít innrétting frá Trésmiðjunni Borg og baðkar.
Í risi er opið rými sem nýtt er sem sjónvarpshol, skrifstofa og leiksvæði. Möguleiki er að útbúa herbergi í risi. 
Á jarðhæð eru 2-3 svefnherbergi, baðherbergi og þvottahús í sama rými. Frá miðhæð er gengið til jarðhæðar um hringstiga.
Inngangur til jarðhæðar í flísalagða forstofu/hol.
Herbergi eru parketlögð og með gólfhita. Inn af einu herbergi er annað rými sem getur verið svefnherbergi eða fataherbergi. 
Baðherbergi er með flísum á gólfi og veggjum, salerni og vaski. Tengi er fyrir þvottavél á baðherbergi á neðri hæð. Þá er jafnframt tengi fyrir sturtu.

Húsið er steinsteypt með timburlofti og gólfum og einangrað með steinull.
Að utan hefur húsið verið fulluppgert; það er klætt með stáli, gluggar og hurðir hafa verið endurnýjaðar, og þakjárn hefur einnig verið skipt út.
Auk þess hafa frárennslislagnir, hitalagnir, vatns- og rafmagnslagnir hússins verið endurnýjaðar. 
Húsið var klætt og einangrað um árið 2000 og aðrar endurbætur fóru fram árið 2005.
Á lóðinni eru tveir geymsluskúrar. Annar er upprunalegur og þarfnast mikil viðhalds og í honum er hiti og rafmagn.
Hinn er nýlegur og í hann er lagt rafmagn. Skúrinn er nýttur sem sólstofa.
Nýlegur 116 fm. pallur er vestan við húsið. 
Geymsla er undir útitröppum. 
Úttak fyrir heitt vatn fyrir setlaug er að vestan.

Nánari upplýsingar og söluyfirlit hjá Fasteignasölu Sauðárkróks í síma 453 5900 eða á netfangið [email protected]
Sunna Björk Atladóttir lögmaður og löggiltur fasteignasali